Varësia seksuale, e njohur edhe si Nymphomania, hiperseksualitet ose sjellje seksuale kompulsive, është paaftësia për të kontrolluar dëshirën për seks dhe për t’u marrë me këtë në mënyrë të përsëritur dhe impulsive. Në gjuhën e zakonshme, kur flasim për femrat përdoret termi “nymfomani”, ndërsa për meshkujt “satiriasi”.
Si e kuptojmë?
Personat që vuajnë nga kjo varësi:
- Kanë mendime të vazhdueshme seksuale që ndikojnë në punë, marrëdhënie dhe jetën e përditshme,
- Mund të kryejnë marrëdhënie rastësore (one‑night stands),
- Mësojnë të përdorin pornografi, masturbim të tepruar apo të shkojnë mbi kufijtë personal të të tjerëve.
Kjo sjellje ҫon nё një kënaqësi të përkohshme, por pasojat janë një ndjenjë fajësie, turpi, humbje kohe dhe energjie.
Shembuj që ndodhin mё shpesh
Masturbimi kompulsiv – jo thjesht për kënaqësi, por për të ndjerë lehtësim emocional.
Pornografi – përdorim i tepruar i saj për stimulim.
Eksibicionizëm– disa shfaqin sjellje të tejskajshme ose shikojnë fshehurazi të tjerë, edhe kur e dinë se është gabim ose ilegal.
Kujt i ndodh më shumë?
Rreth 3% e meshkujve dhe 1% e femrave vuajnë nga kjo sёmundje. Në Shtetet e Bashkuara statistikat janë më të larta: 8% e meshkujve dhe 3% e femrave. Më e zakonshme në grupmoshën 25–50 vjeç, pavarësisht niveli ekonomik apo i edukimit. Megjithatë, femrat me status ekonomik të lartë dhe meshkujt me status të ulët bien më shpesh pré.
Pse ndodh?
Shpesh rrënjët janë traumat e fëmijërisë. Psikoterapitë që përdorin metodën EMDR (Desenzitizimi dhe Ripunimi përmes Lëvizjeve të Syve) kanë treguar rezultate shumë pozitive.
Si trajtohet?
Trajtimi mund të përfshijë: Psikoterapi afatgjatë (kognitive, sjellore, dinamike, ekzistenciale),mjekime, apo ripërpunim të strukturës psikologjike për të arritur emocione dhe marrëdhënie të shëndetshme.
Pse është e rëndësishme që të flitet hapur?
Varësia seksuale ndikon jo vetëm individin, por edhe familjen dhe shoqërinë. Mund të çojë në probleme serioze si infeksione seksuale, dëmtime emocionale, sëmundje, për shkak të sjelljeve të rrezikshme. Duke folur hapur, ndihmojmë për të kuptuar se është një gjendje e trajtueshme dhe jo një ‘moralitet i keq’.
Varësia seksuale është një problem real, me rrënjë të thella psikologjike. Por me trajtimin e duhur—psikoterapi, mbështetje trajtimi dhe kuptim—individët mund të rimarrin kontrollin mbi jetën e tyre, të krijojnë marrëdhënie të shëndetshme dhe të rikthehen në një balancë emocionale e personale pozitive.
