Është e zakonshme të kesh ndjesinë se diçka do të ndodhë, edhe pse nuk ke asnjë mënyrë për ta ditur. Besohet se kjo ndodh ngaqё vetëdija jonë mund të udhëtojë në të ardhmen, pasi në realitet koha nuk është lineare. Kjo është arsyeja pse truri ynë ka kujtime për gjëra që ende nuk kanë ndodhur.
Pas 11 Shtatorit, bota nuk pushoi së foluri për një person të quajtur Nostradamus. Ai ishte një astrolog francez që jetoi në shekullin e 16-të dhe që thuhet se parashikoi sulmin terrorist ndaj Kullave Binjake në Nju Jork. Ai shkroi për një “zjarr që i afrohet një qyteti të madh të ri”, gjë që njerëzit e interpretojnë si aeroplanët që goditën kullat e Qendrës Botërore të Tregtisë në qytetin e gjallë amerikan.
Baba Vanga, një mistike nga Bullgaria, besohet se pati vizione për katastrofën e Çernobilit, Luftën e Dytë Botërore, vdekjen e Princeshës Diana, sulmet e 11 Shtatorit, cunamin e vitit 2004 dhe madje edhe për vdekjen e saj.
Ryo Tatsuki nga Japonia u bë së fundmi e njohur pasi, sipas pretendimeve, ajo pa në ëndërr tërmetin dhe cunamin e madh të Japonisë Lindore të vitit 2011 dhe e përshkroi atë në një manga.
Nuk ka prova që këto ngjarje u parashikuan me të vërtetë nga këta persona. Megjithatë, ndjesitë se diçka do të ndodhë nuk janë të panjohura — edhe njerëz të zakonshëm i përjetojnë ato. Kujtoni atë ndjenjë të brendshme që keni pasur për dikë, apo shqetësimin për të vizituar një vend? E gjithë kjo mund të lidhet me trurin tonë që “bën një udhëtim” drejt së ardhmes. Të paktën kështu mendojnë disa shkencëtarë. Në fakt, kjo teori shpjegon pse kemi ndjesinë e déjà vu-së — se diçka tashmë ka ndodhur.
A është koha lineare? Ekspertët mendojnë se koha është shumë ndryshe nga mënyra se si e perceptojnë njerëzit
Termi shkencor për të pasur një ndjenjë për një ngjarje të ardhshme quhet parashikim (precognition). Është një perceptim jashtëshqisor ose njohje paraprake e një ngjarjeje. Nganjëherë, gjithashtu, ndjejmë sikur kemi përjetuar tashmë diçka më parë.
Neuroshkencëtarja kognitive Julia Mossbridge filloi ta studionte këtë pasi nё fёmijёri kishte patur vizione të tilla. Një herë, kur i ati u nis me avion për një udhëtim pune, ajo ndjeu papritur se nuk do ta shihte më kurrë. Ai avion u rrёzua. Si është e mundur të kemi njё ndjesi për diçka që ende nuk ka ndodhur?
Ne e shohim kohën si lineare — si diçka që ecën vetëm përpara, pa mundësi për të anashkaluar ndonjë pjesë. Megjithatë, disa ekspertë mendojnë se koha nuk është ashtu siç e perceptojmë.
Mekanika kuantike thotë se koha nuk është një realitet fizik
Parapsikologu Dean Radin, doktor i shkencave, shkencëtari kryesor në Institute of Noetic Sciences, thotë se vetëdija jonë ndoshta shkon përtej perceptimit linear të kohës që kemi ne. “Koha nuk është ashtu si e përjetojmë çdo ditë,” shpjegon ai. “Në mekanikën kuantike, koha mund të mos jetë pjesë e realitetit fizik. Nuk është se nuk ekziston — thjesht sillet në një mënyrë shumë më të çuditshme nga ajo që na lejon përvoja njerëzore të kuptojmë.”
Mossbridge dhe Radin zhvilluan eksperimente për të studiuar këtë ndjesi të fortë. Pjesëmarrësit u lidhën me një aparat EEG dhe u shfaqeshin imazhe të rastësishme. Kur shihnin një imazh pozitiv, aktiviteti i trurit ishte i ulët. Por një rritje e aktivitetit sinjalizonte se ata kishin ndjesinë se imazhi pasues do të ishte negativ. Zbulimi: çdo njeri ka një nivel të caktuar parashikimi. Radin madje ka studiuar edhe orakuj tibetianë që pretendohet se shihnin të ardhmen, dhe thotë se vizionet e tyre ndodhnin nga aftësia për të shkuar përtej jo vetëm kohës, por edhe hapësirës.
Njerëzit kanë kujtime nga e ardhmja
Radin jep një shpjegim shkencor për parashikimin: ai e sheh si një formë ndërlidhjeje kuantike, ku grimcat e ndërlidhura ndajnë të njëjtat informacione dhe sillen njësoj. Sipas tij, kjo mund të shpjegojë pse njerëzit kanë kujtime për gjëra që ende nuk kanë ndodhur. Ai shton se “vetëdija jonë mund të dalë jashtë përvojës së zakonshme dhe të marrë informacione nga e kaluara ose e ardhmja.”
“Disa njerëz mendojnë se parashikimi është truri yt i ndërlidhur me veten e tij në të ardhmen,” shpjegon Radin, “sepse ndërlidhja ndodh jo vetëm mes gjërave të ndara në hapësirë, por edhe mes atyre të ndara në kohë. Nëse mund të jesh i ndërlidhur me veten tёnde në të ardhmen, në të tashmen ti do të ndieje diçka si një kujtim që do të ndodhë.” Kjo shpjegon jo vetëm parashikimin, por edhe déjà vu-në dhe atë ndjesinë e fortë në stomak.
Përshtati në shqip Bufiim.com. Burimi: Anamica Singh, Wion. https://www.wionews.com/trending/d-j-vu-a-glitch-in-your-brain-or-did-your-consciousness-travel-to-the-future-1755155599820
