Ish- zëvendëspresidentja amerikane Kamala Harris, në një intervistë me Stephen Colbert të datës 31 korrik 2025, ka befasuar publikun me një detaj të vogël, por domethënës: ajo përdor vetëm kufje me tela, jo kufje pa tela si AirPods apo pajisje të tjera Bluetooth.
Harris tha se ky zakon nuk është rastësor. “Kam qenë anëtare e Komitetit të Inteligjencës në Senat. Që atëherë, përdor vetëm kufje me tela,” u shpreh ajo.
Arsyeja? Kufjet me Bluetooth, sipas saj, mund të jenë më të lehta për t’u përgjuar.
Kjo deklaratë ka ngjallur reagime të shumta në rrjet. Disa përdorues në internet e quajnë këtë një masë të mençur sigurie, ndërsa të tjerë e shohin si paranojë teknologjike.
Gjithsesi, mesazhi i Harris është i qartë: edhe teknologjitë moderne kanë kufizime, sidomos kur bëhet fjalë për sigurinë e informacionit.
Burimi: WION News, Unilad, AOL News
