Nigel Farage është një nga politikanët më të shquar të së djathtës britanike. Është i njohur për stilin, oratorinë dhe karakterin e veçantë bashkë me shpërthimet populiste të komunikimit publik.
Si anëtar i Parlamentit Evropian (1999 – 2020), Farage kujtohet për pasionin e tij me emërtesën “BREXIT” derisa arriti qëllimin: UK doli nga BE në vitin 2020.
Farage e vendosi në fokus të fjalimeve të tij Greqinë dhe kryeministrin e saj Alexis Tsipras, në korrik 2015, për malin e kredive të pakthyera që Greqia kishte ndaj BE: “Ka ardhur momenti që ta çoni popullin grek jashtë eurozonës me kokën lart“, – i tha ai Tsipras. Deklaratë që tronditi gjithë Parlamentin Evropian në atë kohë.
10 vite më pas, Nigel Farage godet një tjetër kryeministër ballkanik, Edi Ramën. Ai e akuzon Ramën për hipokrizi, lidhur me një intervistë të këtij të fundit dhënë për “The Guardian”, pasi Rama kritikonte ashpër qëndrimin e Britanisë pas Brexit-it dhe trajtimin e emigrantëve.
Farage fshikullon fort Ramën për marrëveshjen me Italinë për emigrantët, duke i kujtuar shqiptarët e shumtë në burgjet britanike.
Ndiqni në videon me titra, komentet e Nigel Farage pa filtra.
